అధికారులకు చుక్కలు చూపిస్తున్న పెద్దపులి.. వల నుంచి తప్పించుకుని పరుగులు!

గత పది రోజులుగా ఏలూరు జిల్లా ప్రజలను, అటవీశాఖ అధికారులను ఉరుకులు పరుగులు పెట్టిస్తున్న పెద్దపులి మరోసారి చిక్కకుండా తప్పించుకుంది. బుట్టాయగూడెం మండలం కామవరం పరిసరాల్లో పశువులపై దాడి చేసిన పులిని పట్టుకునేందుకు అధికారులు పక్కా ప్రణాళికతో వలలు ఏర్పాటు చేశారు. అయినప్పటికీ.. అర్ధరాత్రి సమయంలో అధికారుల కళ్ల ముందే వల నుంచి తప్పించుకుని అడవిలోకి వెళ్లిపోయింది.