Andhra: రాజమండ్రిలో ఘోరం.. మెడికోను కారుతో ఢీకొట్టిన యువకులు..

రాజమండ్రిలో మద్యం మత్తులో కారు నడిపిన ఇద్దరు యువకుల నిర్లక్ష్యం ఓ వైద్య విద్యార్థిని ప్రాణాపాయ స్థితికి నెట్టింది. ప్రసాద్ ఆదిత్య మాల్‌లోకి అనుమతించకపోవడంతో ఆగ్రహానికి గురైన నిందితులు అతివేగంగా కారు నడుపుతూ జీఎస్‌ఎల్ మెడికల్ కాలేజీ విద్యార్థినిని ఢీకొట్టారు. తీవ్రంగా గాయపడిన బాధితురాలు ప్రస్తుతం హైదరాబాద్‌లో చికిత్స పొందుతుండగా, ఆమె పరిస్థితి అత్యంత విషమంగా ఉన్నట్లు వైద్యులు తెలిపారు. కేసు నమోదు చేసిన ప్రకాశ్ నగర్ పోలీసులు ఇద్దరు నిందితులను అదుపులోకి తీసుకుని దర్యాప్తు కొనసాగిస్తున్నారు.