భారత్‌లో ఎలక్ట్రిక్‌ వాహనాల బూమ్‌.. 2030 నాటికి 4 కోట్ల ఉద్యోగాలు! నిరుద్యోగులకు పండగే..

భారత్‌లో ఎలక్ట్రిక్ వాహనాల (EV) మార్కెట్ వేగంగా విస్తరిస్తోంది. జూలై 2026లో దేశవ్యాప్తంగా ఎలక్ట్రిక్ కార్ల రిటైల్ అమ్మకాలు 32,928 యూనిట్లకు చేరాయి. గతేడాది జూలైలో నమోదైన 17,981 యూనిట్లతో పోలిస్తే ఇది 83.13 శాతం వార్షిక వృద్ధి. ఒక జూలై నెలలో నమోదైన అత్యధిక EV కార్ల అమ్మకాలు ఇవే కావడం విశేషం. వరుసగా రెండో నెలలోనూ ఎలక్ట్రిక్ కార్ల విక్రయాలు 30,000 యూనిట్ల మార్కును దాటాయి. అయితే జూన్ 2026లో నమోదైన 33,524 యూనిట్ల రికార్డు అమ్మకాలతో పోలిస్తే జూలైలో విక్రయాలు 1.78 శాతం స్వల్పంగా తగ్గాయి. అయినప్పటికీ, పెరుగుతున్న EV డిమాండ్‌కు తాజా గణాంకాలు బలమైన సంకేతంగా నిలుస్తున్నాయి..