భారత అంతరిక్షంలో సరికొత్త విప్లవం.. కులశేఖరపట్నం వేదికగా ఇస్రో ప్రైవేట్ దండయాత్ర!

భారత అంతరిక్ష పరిశోధనా సంస్థ ఇస్రో సరికొత్త వాణిజ్య శకానికి నాంది పలికింది. దేశీయ అంతరిక్ష రంగాన్ని మరింత విస్తరించే లక్ష్యంతో ప్రైవేటీకరణ వైపు తొలిసారిగా అడుగులు వేస్తోంది. ఇందులో భాగంగా తమిళనాడులోని కులశేఖరపట్నం వద్ద సుమారు రూ. 950 కోట్ల వ్యయంతో నిర్మిస్తున్న ఇస్రో రెండవ రాకెట్ ప్రయోగ కేంద్రం నిర్వహణను ప్రభుత్వ సంస్థ 'ఇన్-స్పేస్' ద్వారా ప్రైవేటు రంగానికి అప్పగించేందుకు సన్నాహాలు ముమ్మరం చేసింది.