బ్లూ ఆధార్ కార్డు – అర్హతలు, ప్రత్యేకతలు

ఐదేళ్లలోపు పిల్లలకు జారీ చేసే ఆధార్ కార్డును బ్లూ ఆధార్ కార్డుగా పిలుస్తారని యూఐడీఏఐ తెలిపింది. ఇది సాధారణ ఆధార్ కార్డు కంటే భిన్నంగా ఉంటుందని, ఇందులో పిల్లల బయోమెట్రిక్ వివరాలు నమోదు చేయరని అధికారులు వివరించారు. బదులుగా తల్లిదండ్రుల ఆధార్ నంబర్‌తో దీన్ని అనుసంధానం చేస్తారని తెలిపారు. పిల్లల వయసు ఐదేళ్లు దాటిన తర్వాత తప్పనిసరిగా బయోమెట్రిక్ అప్‌డేట్ చేయించుకోవాలని యూఐడీఏఐ సూచించింది. ఈ కార్డు రంగు నీలం రంగులో ఉంటుందని, అందుకే దీన్ని బ్లూ ఆధార్ కార్డు అని పిలుస్తారని అధికారులు పేర్కొన్నారు. ఇది పాస్‌పోర్ట్, పాఠశాల అడ్మిషన్ వంటి అవసరాలకు ఉపయోగపడుతుందని తెలిపారు.