చెత్తలో రూ.11 కోట్ల లాటరీ టికెట్.. చివరికి ఊహించని ట్విస్ట్!

ఇటలీలో ఓ మహిళకు అదృష్టం ఊహించని మలుపు తీసుకుంది. బహుమతి రాలేదనుకుని రూ.11 కోట్ల విలువైన లాటరీ టికెట్‌ను చెత్తబుట్టలో పడేసింది. విషయం తెలిసి తిరిగి షాప్‌కు వెళ్లేసరికి చెత్తను వాహనంలో తరలించారు. మున్సిపల్ అధికారుల సహకారంతో వ్యర్థాల కేంద్రంలో పారిశుద్ధ్య కార్మికులు రోజంతా వెతికి టికెట్‌ను సురక్షితంగా గుర్తించారు. దీంతో భారీ బహుమతి దక్కించుకున్న మహిళ ఆనందంతో కన్నీళ్లు పెట్టుకుంది.