దాబాలో చోరీకి వచ్చి.. లిక్కర్ బాటిల్స్ చూసి సిట్టింగ్‌.. ఆ తర్వాత

ఖమ్మం జిల్లాలో చోరీకి వచ్చిన ఐదుగురు దొంగలు ఊహించని రీతిలో పోలీసులకు చిక్కారు. రెడ్డిపల్లి దాబాలోకి చొరబడి విలువైన వస్తువులు దోచుకున్న అనంతరం, అక్కడ కనిపించిన మద్యం బాటిళ్లతో పార్టీ చేసుకున్నారు. తెల్లవారే వరకు మద్యం సేవించి దాబాలోనే నిద్రపోయారు. యజమాని సమాచారం ఇవ్వడంతో పోలీసులు చేరుకోగా ముగ్గురు పారిపోయారు. మద్యం మత్తులో ఉన్న ఇద్దరు దొంగలు మాత్రం పట్టుబడ్డారు. పరారైన వారి కోసం పోలీసులు గాలిస్తున్నారు.