ఈ-25 పెట్రోల్ ప్రవేశపెట్టే అంశంపై కేంద్రం స్పందన

పెట్రోల్‌కు ప్రత్యామ్నాయంగా ఇథనాల్‌ మిశ్రమ కార్యక్రమాన్ని తదుపరి దశకు తీసుకెళ్తారన్న ప్రచారంపై కేంద్ర ప్రభుత్వం స్పందించింది. ఇప్పటికిప్పుడు ఈ-25 పెట్రోల్‌ను ప్రవేశపెట్టే యోచన లేదని కేంద్రం తెలిపింది. ప్రస్తుతం ఈ-25 పెట్రోల్‌ పరీక్షల దశలోనే ఉందని పేర్కొంది. దేశవ్యాప్తంగా ఇథనాల్‌ మిశ్రమ కార్యక్రమం అమలులో ఉందని, దాని తదుపరి విస్తరణపై నిర్ణయం తీసుకోలేదని అధికారులు తెలిపారు.