ఇచ్చేది రూ.5 కొనేది రూ.7కు పైనే..

సర్కారు బళ్లలో చదువుకునే విద్యార్థులకు వడ్డించేందుకు ఒక్కో కోడి గుడ్డుకు రూ.5 చొప్పునే ప్రభుత్వం ధర చెల్లిస్తుండడంతో మధ్యాహ్న భోజన (ఎండీఎం) ఏజెన్సీలు గగ్గోలు పెడుతున్నాయి. బయటి మార్కెట్లో గుడ్డు ధర ఏరోజుకారోజు మారుతుండడం, పైగా.. ఒక్కో గుడ్డు ధర రూ.7 నుంచి రూ.8 మధ్య పలుకుతుండడంతో.. ఆ వ్యత్యాసాన్ని తాము భరించాల్సి వస్తోందని ఎండీఎం కార్మికులు ఆవేదన వ్యక్తం చేస్తున్నారు.