ఇదేం దౌర్జన్యం.. మాకు తెల్వకుండా సర్వే చేస్తరా?

అధికారుల తీరుపై నాగర్‌కర్నూల్‌ జిల్లా చారకొండ మండలంలోని తిమ్మాయిపల్లి గ్రామ రైతులు తీవ్ర ఆందోళన చెందుతున్నారు. తమ భూములను గుంజుకోవడానికి అధికారులు తమకు తెలియకుండానే సర్వే చేస్తున్నారని, అదీగాక హద్దురాళ్లు కూడా పాతుతున్నారని మండిపడ్డారు. శుక్రవారం తిమ్మాయిపల్లి శివారులో వ్యవసాయ పొలాల్లో హద్దు రాళ్లు ఏర్పాటు చేయడంపై ఆందోళనకు దిగారు.