కాల్వ తీశారు.. వంతెన మరిచారు

సాగునీటి సరఫరా కోసం అధికారులు కాల్వ తవ్వించారు కానీ ప్రజలు ఆకాల్వ దాటేందుకు వంతెన నిర్మించడం విస్మరించారు. దీంతో అటువైపు వెళ్లేవారు ఇబ్బందులు పడుతున్నారు. ప్రభు త్వం, అధికారులు మాత్రం పట్టించుకోవడం లేదు. కొండపోచమ్మ సాగర్‌ నుంచి మెదక్‌ జిల్లా తూప్రాన్‌ మండలం కిష్టాపూర్‌ గ్రామానికి సాగు నీరు సరఫరా చేసేందుకు సిద్దిపేట జిల్లా దౌల్తాబాద్‌ మండలం అప్పాయపల్లి మీదుగా కాల్వ నిర్మించారు. అప్పాయపల్లి గ్రామానికి చెందిన పలువురు రైతుల పొలాలు కాల్వ అవతలి వైపు ఉన్నాయి.