మెంతులను ఇలా మొలకెత్తించి తింటే అమృతంతో సమానం.. ఇవి తెలిస్తే అస్సలు వదలరు..

మన భారతీయ వంటగదిలోని మసాలా దినుసులలో మెంతులకు ప్రత్యేక స్థానం ఉంది. పప్పు, చట్నీ లేదా తాలింపు ఏదైనా సరే.. మెంతుల ఘుమఘుమలు పడాల్సిందే. సాధారణంగా మెంతులను నానబెట్టి లేదా పొడి చేసి వంటకాలలో ఉపయోగిస్తుంటారు. అయితే వీటిని మొలకెత్తించి తీసుకోవడం వల్ల పొందే ఆరోగ్య ప్రయోజనాలు రెట్టింపు అవుతాయని నిపుణులు చెప్తున్నారు. మెంతులను మొలకెత్తించడం వల్ల వాటిలో ఉండే విటమిన్లు, ఖనిజాలు, యాంటీఆక్సిడెంట్లను మన శరీరం సులభంగా గ్రహించేందుకు వీలవుతుంది.