నేటి సాయంత్రం జానకమ్మ అంత్యక్రియలు.. ప్రభుత్వ లాంఛనాలతో తుది వీడ్కోలు

Singer S Janaki Death: దక్షిణాది గానకోకిల, ప్రముఖ నేపథ్య గాయని ఎస్. జానకి అంత్యక్రియలు నేడు (ఆదివారం) సాయంత్రం మైసూరు బోగాది సమీపంలోని కణియర హుండి గ్రామంలో ప్రభుత్వ లాంఛనాలతో నిర్వహించనున్నారు. ప్రజల సందర్శనార్థం ఆమె పార్ధివ దేహాన్ని ఉదయం నుంచి సాయంత్రం వరకు మైసూరులోని మహారాజా కళాశాల మైదానంలో ఉంచనున్నారు. అనంతరం అధికారిక గౌరవాలతో అంతిమయాత్ర నిర్వహించి, రాష్ట్ర ప్రభుత్వ లాంఛనాల మధ్య అంత్యక్రియలు జరపనున్నారు. వేలాది మధుర గీతాలతో సంగీతాభిమానుల హృదయాల్లో చిరస్థాయిగా నిలిచిన జానకమ్మకు అభిమానులు, సినీ ప్రముఖులు, రాజకీయ నాయకులు ఘనంగా నివాళులర్పిస్తున్నారు.