ఫ్రిజ్‌ ఓపెన్‌ చేయడానికి వెళ్లిన మహిళ.. అక్కడ సీన్‌ చూసి గుండె గుభేల్‌

వర్షాకాలంలో ఆవాసాలు కోల్పోయిన పాములు జనావాసాల్లోకి వస్తున్నాయి. తాజాగా విశాఖపట్నం స్టీల్ ప్లాంట్ క్వార్టర్స్‌లోని ఓ ఇంటి కిచెన్‌లో భారీ నాగుపాము కలకలం రేపింది. ఫ్రిడ్జ్ వెనుక పడగ విప్పి భుసలు కొడుతున్న పామును చూసి మహిళ భయంతో బయటకు పరుగులు తీసింది. సమాచారం అందుకున్న స్నేక్ క్యాచర్ కిరణ్ కుమార్ అక్కడికి చేరుకుని పామును సురక్షితంగా పట్టుకున్నారు. అనంతరం అటవీ ప్రాంతంలో విడిచిపెట్టేందుకు చర్యలు చేపట్టారు.