సాగు నీటికి తండ్లాట! బావులు తవ్విస్తున్న రైతులు

వానకాలం ప్రారంభమై నెలన్నర గడుస్తున్నా వరుణుడు కరుణించడం లేదు. దీంతో బావుల కింద వరి సాగుచేసిన రైతులు ఆదిలోనే అష్టకష్టాలు పడుతున్నారు. బావుల్లో నీరు అడుగంటి పోతుండడంతో క్రేన్‌ల సాయంతో పూడిక తీయడంతో పాటు మరింత లోతు తవ్విస్తున్నారు. హనుమకొండ జిల్లా కమలాపూర్‌ మండలంలోని భీంపల్లికి చెందిన గోనెల రమేశ్‌ రెండున్నర ఎకరాల్లో వరిసాగు చేసేందుకు పొలంలో వడ్లు చల్లాడు.