శిఖం భూమి..పొతం

ఆయనో గ్రామ సర్పంచ్‌...రాష్ట్రంలో అధికారంలో ఉన్నది వాళ్ల పార్టే. ఇంకా తనకు అడ్డు చెప్పేది ఎవరు అనుకున్నాడో ఏమో కానీ రూ. కోట్లు విలుచేసే ఇరిగేషన్‌ శిఖం భూమిని పొతం పెట్టేందుకు భారీ స్కెచ్‌ వేశాడు. అభివృద్ధి పేరుతో కంటను పూడ్చి రియల్‌ వ్యాపారం చేసేందుకు ప్రణాళికలు రూపొందిస్తూ ప్రశ్నించిన స్థానికులపై బెదిరింపులకు పాల్పడుతున్నాడు.ఆ భూమిని అధికారులు ఇదివరకే నిషేధిత జాబితాలో చేర్చినా, చట్టం తన చుట్టమైనట్లు కుంటలో మట్టిపోసి చదును చేశాడు. ఎన్నో ఏండ్లుగా పంటలు ,పశువులకు నీళ్లందిస్తూ ఆహ్లాదం పంచిన బొల్లికుంట నేడు కనుమరుగైపోతున్నది.