స్పోర్ట్స్ బ్యాగు తెరిచిన యువకుడు.. లోపలున్నది చూసి పరుగో పరుగు!

విశాఖపట్నంలోని నేవల్ క్వార్టర్స్‌లో ఓ యువకుడి స్పోర్ట్స్ బ్యాగులో అత్యంత ప్రమాదకరమైన రక్తపింజరి పాము కనిపించడం కలకలం రేపింది. బ్యాగు నుంచి అలికిడి రావడంతో జిప్ తెరిచి చూడగా పాము కనిపించడంతో యువకుడు భయంతో కేకలు వేశాడు. కుటుంబ సభ్యుల సమాచారం మేరకు స్నేక్ క్యాచర్ నాగరాజు అక్కడికి చేరుకుని పామును సురక్షితంగా పట్టుకుని అటవీ ప్రాంతంలో వదిలిపెట్టారు. ప్రజలు బ్యాగులు, దుస్తులు వాడే ముందు జాగ్రత్తగా పరిశీలించాలని నిపుణులు సూచించారు.