స్వచ్ఛమైన పెట్రోల్‌ మీ నాన్న ఇంటి నుంచి వస్తుందా?

ఇథనాల్‌ కలిపిన పెట్రోల్‌ను వ్యతిరేకించిన వారిని ఉద్దేశించి రేవా నియోజకవర్గ బీజేపీ ఎంపీ జనార్దన్‌ మిశ్రా ఆదివారం వివాదాస్పద వ్యాఖ్యలు చేశారు. రేవా నుంచి భోపాల్‌, కోల్‌కతాకు కొత్త విమాన సర్వీసుల ప్రారంభోత్సవాన్ని ఉద్దేశించి మాట్లాడుతూ...‘స్వచ్ఛమైన పెట్రోల్‌ మీ అయ్య (నాన్న) ఇంటి నుంచి వస్తుందా’ అని ప్రశ్నించారు. ఇండియా 20 శాతం చమురును దేశీయంగా ఉత్పత్తి చేస్తున్నదని, 80 శాతం విదేశాల నుంచి దిగుమతి చేసుకుంటున్నదని తెలిపారు.