తారురోడ్డును చీల్చుకుంటూ ఎగిసిన గంగమ్మ..

మహారాష్ట్రలోని పుణె జిల్లా తలేగావ్ దాభాడేలో కొత్త నీటి సరఫరా పైప్‌లైన్ ట్రయల్ సందర్భంగా రహదారి ఒక్కసారిగా పగిలి భారీగా నీరు ఎగిసిపడింది. ఈ దృశ్యాలు సీసీటీవీలో రికార్డయ్యాయి. పైప్‌లైన్ అనుసంధానంలో కాంట్రాక్టర్ నిర్లక్ష్యమే ఘటనకు కారణమని అధికారులు గుర్తించారు. మరమ్మతుల ఖర్చు మొత్తం కాంట్రాక్టర్ నుంచే వసూలు చేయనున్నట్లు మున్సిపల్ అధికారులు ప్రకటించారు.