ట్రాఫిక్‌లో పైలట్‌.. విమానంలో 175 మంది ప్రయాణికులు

ఢిల్లీ నుంచి జైపూర్ వెళ్లాల్సిన ఇండిగో విమానం పైలట్ ట్రాఫిక్‌లో చిక్కుకోవడంతో దాదాపు గంట ఆలస్యంగా బయలుదేరింది. భారీ వర్షాల కారణంగా ఢిల్లీలో తీవ్ర ట్రాఫిక్ జామ్ ఏర్పడటంతో పైలట్ సమయానికి విమానాశ్రయానికి చేరుకోలేకపోయారు. దీంతో 175 మందికి పైగా ప్రయాణికులు విమానంలోనే వేచి ఉండాల్సి వచ్చింది. ఎంపీ హనుమాన్ బెనివాల్ ఘటనపై అసంతృప్తి వ్యక్తం చేయగా, వర్షాలు, ట్రాఫిక్ కారణంగానే ఆలస్యమైందని ఇండిగో వివరణ ఇచ్చింది.