వియత్నాంలో బోటు ప్రమాదం - ఏపీ పర్యాటకుల మృతి

వియత్నాంలోని ఫూ-క్వాక్ ప్రాంతంలో పెరల్ ఐలాండ్ సమీపంలో పర్యాటకులు ప్రయాణిస్తున్న స్పీడ్ బోటు బోల్తా పడిందని బీబీసీ తెలుగు నివేదించింది. ఈ ఘటనలో ఆంధ్రప్రదేశ్‌కు చెందిన ముగ్గురు మృతి చెందారని పేర్కొంది. మృతుల్లో కృష్ణా జిల్లా మచిలీపట్నానికి చెందిన గెల్లి జయశ్రీ, కడప జిల్లాకు చెందిన శ్రీధర్, హిందూపురం పట్టణానికి చెందిన ఒక వ్యక్తి ఉన్నారని బీబీసీ తెలిపింది. బోటు అర కిలోమీటరు దూరం కూడా వెళ్లకముందే మునిగిపోవడం మొదలైందని ఒక ప్రత్యక్ష సాక్షి బీబీసీతో చెప్పారు.