అరే.. ఇదేం చేప.. ప్లేస్‌ను బట్టి రంగు మార్చేస్తోంది!

డాక్టర్ బి.ఆర్. అంబేద్కర్ కోనసీమ జిల్లా అంతర్వేది మినీ ఫిషింగ్ హార్బర్‌లో మత్స్యకారుల వలకు అరుదైన రంగులు మార్చే బొంతచేప చిక్కింది. పరిసరాల రంగులకు అనుగుణంగా శరీర రంగును మార్చే ఈ చేపను చూసేందుకు స్థానికులు పెద్దఎత్తున తరలివచ్చారు. అంతర్జాతీయ మార్కెట్లో ఈ చేపకు మంచి డిమాండ్ ఉండగా, కిలో రూ.400 నుంచి రూ.450 వరకు ధర పలుకుతుందని మత్స్యకారులు తెలిపారు.