డొనాల్డ్ ట్రంప్ టారిఫ్‌లపై అమెరికాలో తుఫాన్.. కోర్టు మెట్లెక్కిన 25 రాష్ట్రాలు

అమెరికాలో దిగుమతి సుంకాల అంశం మరోసారి రాజకీయ, న్యాయపరమైన వివాదానికి దారితీసింది. అధ్యక్షుడు డొనాల్డ్ ట్రంప్ ప్రభుత్వం తాజాగా అమలు చేస్తున్న కొత్త సుంకాలపై అమెరికాలోని 25 రాష్ట్రాలు సోమవారం (ఆగస్టు 03) కోర్టును ఆశ్రయించాయి. ఈ సుంకాలు చట్టవిరుద్ధమని, ఫిబ్రవరిలో అమెరికా సుప్రీంకోర్టు రద్దు చేసిన దిగుమతి పన్నులను మరో రూపంలో తిరిగి అమలు చేసే ప్రయత్నమేనని రాష్ట్రాలు ఆరోపిస్తున్నాయి. ఈ పరిణామం అమెరికా వాణిజ్య విధానంపై మరోసారి తీవ్ర చర్చకు దారితీసింది.