హీరో ఇంపల్స్​ గుర్తుందా? ఆ మోడల్‌ గుర్తుచేసేలా హీరో డ్యూయల్ స్పోర్ట్‌ బైక్ తెచ్చేస్తోంది

Hero MotoCorp Dual-Sport Motorcycle.. ప్రముఖ ద్విచక్ర వాహనాల తయారీ సంస్థ హీరో మోటోకార్ప్ భారత మార్కెట్లో మరో సరికొత్త డ్యూయల్ స్పోర్ట్ బైక్‌ను తీసుకువచ్చేందుకు సన్నాహాలు చేస్తున్నట్లు తెలుస్తోంది. ఈ మేరకు కంపెనీ తాజాగా ఒక కొత్త బైక్‌కు సంబంధించిన డిజైన్‌ను పేటెంట్ దాఖలు చేసింది. ఈ పేటెంట్ ఫోటోలను పరిశీలిస్తే, ఈ మోడల్ గతంలో హీరో అత్యంత విజయవంతంగా విక్రయించిన ‘ఇంపల్స్’ బైక్‌ను పూర్తిగా గుర్తుచేసేలా ఉంది. దీంతో హీరో సంస్థ మరోసారి తన పాత ఇంపల్స్ బ్రాండ్‌ను సరికొత్త హంగులతో మార్కెట్లోకి తిరిగి తీసుకువస్తుందా అనే చర్చ ఆటోమొబైల్ వర్గాల్లో తీవ్రంగా జరుగుతోంది.