INS Nipun | ఆగష్టు 31న నేవీలో చేరనున్న ఐఎన్‌ఎస్‌ నిపుణ్.. రెండో దేశీయ డీఎస్‌వీ

భారత నౌకాదళంలోకి మరో స్వదేశీ శక్తి అడుగు పెట్టనుంది. ఆగస్టు 31న రెండో స్వదేశీ డైవింగ్ సహాయక నౌక నిపుణ్ నేవిలోకి చేరనుంది. విశాఖపట్నం హిందుస్థాన్ షిప్‌యార్డ్ లిమిటెడ్ నిర్మించిన ఈ నౌక, లోతైన సముద్రంలో డైవింగ్, నీటి అడుగున పనులు, ప్రమాదంలో ఉన్న జలాంతర్గాములను రక్షించడంలో కీలక పాత్ర పోషిస్తుంది. ఆధునిక పరికరాలతో నిపుణ్, సముద్ర కార్యకలాపాలను మరింత సురక్షితంగా, వేగంగా నిర్వహించేందుకు సహాయపడుతుంది.

INS Nipun : భారత నౌకాదళానికి మరో అదనపు శక్తి చేకూరనుంది. దేశీయంగా అభివృద్ధి చేసిన ఐఎన్‌ఎస్‌ నిపుణ్ ఆగష్టు 31న, ముంబైలోని నావల్ డాక్‌యార్డ్‌లో నావికాదళంలో చేరనుంది.