మోతాదు మించితే ముప్పే!

ఇప్పుడు చాలామంది అన్నిటికీ సప్లిమెంట్లపైనే ఆధారపడుతున్నారు. ఉదయం విటమిన్‌ గోళీ, భోజనం తర్వాత క్యాల్షియం, రాత్రి విటమిన్‌ డీ, నిద్రపోయే ముందు ఏదో ఒక హెర్బల్‌ క్యాప్సూల్‌.. ఇలా రకరకాల మాత్రలు వేసుకోవడాన్ని ఒక అలవాటుగా మార్చుకుంటున్నారు.

ఈ రోజుల్లో చాలామంది కండలు తిరిగే బాడీ కోసం జిమ్‌లలో గంటల తరబడి కసరత్తులు చేస్తున్నారు. దాంతోపాటు అతి త్వరగా కండలు పెంచాలని రకరకాల ప్రొటీన్‌ పౌడర్లు వాడుతున్నారు. నిపుణుల అభిప్రాయం ప్రకారం.. కండలు పెంచుకోవడానికి, ఫిట్‌నెస్‌ లక్ష్యాల్ని సాధించడానికి ప్రతి కిలోగ్రాము శరీర బరువుకు ప్రతి రోజూ 1.2 నుంచి 2 గ్రాముల ప్రొటీన్‌ మాత్రమే అవసరం.