Shravana Masam Foods: శ్రావణంలో ఈ ఆహారాలు తింటే ఏమవుతుందో తెలుసా?.. అందుకే పెద్దలు వద్దంటారు!

హిందూ సంప్రదాయంలో అత్యంత పవిత్రమైన మాసాల్లో శ్రావణమాసానికి ప్రత్యేక స్థానం ఉంది. పరమశివుడికి అత్యంత ప్రీతికరమైన ఈ నెలలో చాలామంది సోమవారాలు, ఇతర రోజుల్లో ఉపవాసాలు, వ్రతాలు చేస్తుంటారు. పూజలు, అభిషేకాలతో పాటు ఈ సమయంలో తీసుకునే ఆహారంపైనా ప్రత్యేక శ్రద్ధ పెడతారు. శ్రావణంలో సాత్వికమైన, తేలికగా జీర్ణమయ్యే ఆహారాన్ని తీసుకోవాలని సంప్రదాయాలు సూచిస్తున్నాయి. మరోవైపు కొన్ని రకాల కూరగాయలు, మాంసాహారం, అధికంగా వేయించిన పదార్థాలు, ప్యాకేజ్డ్ ఫుడ్స్‌కు దూరంగా ఉండాలని చెబుతారు.