సింగూర్‌లో ఎమర్జెన్సీ పంపింగ్‌!.. మంజీరాలోనూ డెడ్‌స్టోరేజీకి చేరువలో నిల్వలు

వానాకాలం ప్రారంభమైన నెలన్నర దాటినా చినుకు జాడ కరువైంది. దీంతో సాగునీటి వనరులన్నీ బోసిపోతున్నాయి. మండంలోని పోచారం ప్రాజెక్టులో నీటి నిల్వలు ఆందోళనకు గురిచేస్తున్నాయి. గతేడాది కురిసిన భారీ వర్షాలకు పోచారం ప్రాజెక్టు పొంగి ప్రవహించగా,నేడు డెడ్‌ స్టోరేజీకి చేరుకున్నది.

మహానగరానికి మంచినీళ్లు అందించే సింగూరు, మంజీరా జలాశయాల్లో నీటి నిల్వలు అడుగంటుతున్నాయి. ఎల్‌ నినో ప్రభావంతో ఎగువ నుంచి వరద నీరు రావడంలేదు. ప్రధానంగా సింగూరులో ఇప్పటికే నీటి నిల్వలు డెడ్‌ స్టోరేజీకి చేరుకున్నాయి.