శ్రీవారి సేవకు ప్రాంతీయ పరీక్ష!.. తెలంగాణ వేద పండితులకు అన్యాయం

తిరుమల తిరుపతి వేంకటేశ్వరస్వామి సర్వజనులకు దేవుడు.. ఆయనకు ప్రాంతీయ భేదాలు లేవు. కులమతాల పట్టింపు అసలే కనిపించదు. అక్కడికొచ్చే భక్తజనం, ఆయన సేవలు చేసుకొనే భాగ్యం కలిగిన అర్చకులకు, నిరంతర వేదనాదం వినిపించే వేదపారాయణదారులకు గతంలో ఈ తారతమ్యాలే లేవు. ఏ ప్రాంతం వారైనా స్వామిసేవలో తరించాలనే సత్సంకల్పం దేవస్థానం నిర్వాహకులకు ఉండేది. కానీ, ఇటీవల టీటీడీ (తిరుమల తిరుపతి దేవస్థానం)లో చోటుచేసుకుంటున్న పరిణామాలు శ్రీవారికి కూడా ప్రాంతీయతను అంటగడుతున్నారనడానికి నిదర్శనంగా నిలుస్తున్నాయి.