తెలంగాణలోని ఆ నగరంలో రెండో అతిపెద్ద ప్రభుత్వ కేన్సర్ ఆస్పత్రి.. ఎక్కడంటే?

తెలంగాణ ప్రజలకు గుడ్ న్యూస్. రాష్ట్రంలో అతిపెద్ద ప్రభుత్వ కేన్సర్ సెంటర్ ఏర్పాటు కానుంది. ఈ మేరకు ప్రభుత్వం సిద్దమైంది. వరంగల్‌లో దీనిని ఏర్పాటు చేయనున్నారు. ఈ మేరకు ఆరోగ్యశాఖ మంత్రి దామోదర రాజనర్సింహ ప్రకటించారు. ఈ ఏడాది చివరికల్లా అందుబాటులోకి రానుంది.

ప్రజలకు అత్యాధునిక కేన్సర్ వైద్య సేవలను అందించే విధంగా వరంగల్ రీజనల్ కేన్సర్ హాస్పిటల్‌ను అభివృద్ధి చేస్తామని మంత్రి దామోదర్ రాజనర్సింహ అన్నారు. ప్రస్తుతం నిర్మాణంలో ఉన్న వరంగల్ సూపర్ స్పెషాలిటీ హాస్పిటల్‌ను ఈ ఏడాది చివరికల్లా అందుబాటులోకి తీసుకొస్తామని ఆయన వెల్లడించారు. ఈ మేరకు వరంగల్, హన్మకొండ, జనగాం జిల్లాల్లో ప్రజలకు అత్యున్నత వైద్య సేవలు రానున్నాయి..